Nafnið á settinu er vitnun í norræna goðafræði. Bræðurnir Óðinn, Vilji og Vé fundu á sjávarströndu tvo trédrumba. Óðinn gaf þeim líf og sál, Vilji gaf þeim málið og Vé gaf þeim vit og skynsemi. Gáfu þeir drumbunum nöfnin Askur og Embla og er af þeim allt mannkynið komið.
| Stærðir | Garn í peysu | Garn í buxur |
| 0-3 mánaða | 150 gr. | 100 gr. |
| 3-6 mánaða | 150 gr. | 150 gr. |
| 6-9 mánaða | 150 gr. | 150 gr. |
| 9-12 mánaða | 200 gr. | 200 gr. |
| 12-18 mánaða | 200 gr. | 200 gr. |
| 18-24 mánaða | 250 gr. | 250 gr. |
| 2-3 ára | 250 gr. | 250 gr. |
Athugið að um áætlað magn er að ræða og er ólíkt eftir garni og prjónara hversu mikið þarf.
Sandnes Merinoull eða annað garn sem passar við prjónfestuna, t.d. Scout eða Bébé Soft Wash sem fæst í vefverslun MeMe Knitting.
10 cm = 22 lykkjur sléttprjón á 4 mm prjóna
Peysan er prjónuð neðan frá, fram og til baka, með laskúrtöku. Ermar eru prjónaðar í hring. Hnappalisti er prjónaður jafnóðum og er peysunni hneppt vinstra megin. Mynstur er aðeins prjónað að framan.
Buxurnar eru prjónaðar ofan frá og í hring með mynstri á hvorri hlið. Stuttar umferðir eru prjónaðar að aftan til þess að auka pláss fyrir litla bossa.
